त्रिभुवन अन्तर्राष्ट्रिय विमानस्थलमा उडान संख्या बढ्ने भएको छ ।

अप्रिलदेखि भारतीय बजेट एयरलाइन्स एयर इण्डिया एक्सप्रेस र स्पाइस जेटले व्यावसायिक उडान सञ्चालन गर्नेछन् । नेपाल नागरिक उड्डयन प्राधिकरण क्यानका अनुसार, स्पाइस जेटलाई साताको सातै दिन उडान अनुमति दिइएको छ भने एयर इण्डियाले दैनिक पाँच उडान गर्ने स्वीकृति पाए पनि स्लट निश्चित भइसकेको छैन ।

त्रिभुवन अन्तर्राष्ट्रिय विमानस्थलमा मागअनुसार उडान स्लट उपलब्ध गराइएको क्यानले जनाएको छ । पोखरा र गौतमबुद्ध अन्तर्राष्ट्रिय विमानस्थलका लागि समर सेड्युल प्रस्ताव आह्वान गरिए पनि कुनै पनि एयरलाइन्सले चासो देखाएको छैन ।

अन्य अन्तर्राष्ट्रिय एयरलाइन्सहरूको उडान तालिका

एयर इण्डिगो: दैनिक ४ उडान

एयर अरेबिया, भुटान एयरलाइन्स, फ्लाइ दुबई: दैनिक ४ उडान

कतार एयरवेज, मालिन्दो एयर, जजिरा एयरवेज, विमान बंगलादेश: दैनिक ३ उडान

क्याथे प्यासिफिक: साताको सातै दिन उडान

चाइना साउदर्न: दैनिक २ उडान

कतार एयरवेज: अप्रिलदेखि दैनिक ३ उडान

त्रिभुवन विमानस्थलमा एयर ट्राफिक कन्जेसनको समस्या रहेकाले एउटै एयरलाइन्सलाई दैनिक पाँच उडानको अनुमति दिनु दबाब सिर्जना गर्ने देखिएको छ।