बेलायत सरकारले गैर कानुनी रूपमा बस्ने आप्रवासीमाथि कडाइ गरेपछि त्यहाँ रहेका हजारौँ नेपाली विद्यार्थी प्रभावित हुने देखिएका छन् । हालै सार्वजनिक अध्ययनअनुसार लन्डनमा १२ मध्ये एक व्यक्ति गैर कानुनी रूपमा बसिरहेको तथ्याङ्क उल्लेख छ। नेपाली विद्यार्थीमध्ये कतिपयले आर्थिक समस्याका कारण विश्वविद्यालयको शुल्क तिर्न नसक्ने अवस्था आएको छ ।

बेलायतमा अध्ययनरत नेपाली विद्यार्थीहरूले पाँच प्रमुख चुनौतीको सामना गरिरहेका छन् । 

पहिलो आर्थिक समस्या
बेलायतका विश्वविद्यालयहरूको ट्युसन शुल्क नेपालको तुलनामा निकै महँगो छ । त्यसमाथि महँगो जीवनयापन: विशेष गरी लन्डनमा कोठा भाडा, यातायात, खाना, स्वास्थ्य सेवा आदि अत्यन्त महँगो छ । विद्यार्थी भिसामा रहेका व्यक्तिहरूलाई सीमित घण्टा मात्र काम गर्न अनुमति छ (प्रायः हप्तामा २० घण्टा), जुन लागत धान्न अपर्याप्त हुन्छ । अझ विद्यार्थीहरूले पार्ट–टाइम काम खोज्न निकै सङ्घर्ष गरिरहेका छन् । 

दोस्रो भिसा र अध्यागमन सम्बन्धी समस्या
कलेज शुल्क तिर्न नसक्दा कतिपय विद्यार्थीको भिसा नवीकरण हुन सक्दैन । धेरै नेपाली विद्यार्थीहरू अध्ययन छोडेर गैर कानुनी रूपमा बस्न बाध्य भएका छन् । बेलायत सरकारले आप्रवासीहरूमाथि कडाइ गर्दे नयाँ अध्यागमन नीतिहरू ल्याउँदा विद्यार्थीमा समस्या बढेको हो । 

तेस्रो त मानसिक तनाव र स्वास्थ्य समस्या
नयाँ देश, नयाँ संस्कृति, र परिवारबाट टाढा हुँदा मानसिक तनाव बढ्न सक्छ । शिक्षा र कामको दबाबले मानसिक स्वास्थ्यमा पनि असर परिरहेको छ । उपज पछिल्लो समय बेलायतमा अध्ययनरत केही नेपाली विद्यार्थीले आत्महत्या गरेको घटना सार्वजनिक भएका छन् । 

चौथो भाषा र सांस्कृतिक अन्तर
भाषा समस्या: अङ्ग्रेजी राम्रो नभएमा कक्षा, काम र दैनिक जीवनमा समस्या पर्छ । सांस्कृतिक भिन्नता: नयाँ समाजसँग घुलमिल हुन गाह्रो पर्न सक्छ ।

पाँचौँ कन्सल्टेन्सी र एजेन्टको भ्रामक प्रचार
धेरै विद्यार्थीहरू राम्रो जानकारी नलिई एजेन्टहरूकै आधारमा बेलायत आउँछन्, जसका कारण बेलायत आइपुगेपछि वास्तविकता थाहा पाउँदा समस्या झेल्नुपर्छ ।