युएई सरकारले बिगत दुई बर्षदेखि बेरोजगारी बिमा लागू गरेको छ । जसअन्तर्गत श्रमिकहरूले रोजगारी गुमाएपछि केही समयका लागि आर्थिक सहायता पाउन सक्छन् ।

यदि तपाईँ युएईमा कार्यरत नेपाली श्रमिक हो भने बेरोजगारी बिमामा सामेल हुनु सुरक्षित भविष्य का लागि फाइदाजनक हुन सक्छ । यो योजना विशेष गरी अनपेक्षित रोजगारी गुमाएका व्यक्तिहरूको लागि अस्थायी आर्थिक सुरक्षा दिन बनाइएको हो ।

वर्क परमिट भएकाले यो बिमामा आबद्ध हुन सक्छन् । अस्थायी रूपमा काम गरिरहेका वा घरेलु कामदार र अवैध बसोबास गरिरहेकाले बिमा गर्न पाउने छैनन् । 

मासिक १६ हजार युएई दिरामसम्म तलब भएकाले प्रत्येक महिना ५ दिराम र १६ हजार दिरामभन्दा बढी तलब भएका कामदारले मासिक, त्रैमासिक वा बार्षिक रूपमा १० दिराम बराबरले बिमा रकम बुझाउनु पर्ने छ । 

बिमा गरेकाले आफ्नो जागिर गुमेपछि आधारभूत तलबको ६० प्रतिशतसम्म तलब तीन महिनासम्म बेरोजगार साहयता स्वरूप पाउने छन् । 

यदि तपाई पनि यस बेरोजगार बिमा गर्न चाहनुहुन्छ भने इन्सोरेन्स पुल वेबसाइट  मा गएर आवेदन दिन सक्नुहुने छ । 

अथवा युएई पास एप यसै गरी बैङ्क, एक्सचेन्ज सेन्टरहरू र युएईको टेलिकम कम्पनी मा गएर सम्पर्क गर्न सकिने छ ।