दक्षिण कोरिया उच्च शिक्षाको आकर्षक गन्तव्य बन्दै गएको छ । गएको बर्ष मात्रै कोरियाका लागि प्रविधिमा प्रगति, अन्तर्राष्ट्रिय स्तरको शिक्षा प्रणाली र विविध अवसरहरूले नेपाली विद्यार्थीहरूलाई आकर्षित गरिरहेका छन् । तर, कोरियामा अध्ययन गर्नुभन्दा पहिले केही महत्त्वपूर्ण कुराहरूमा जानकार र सजग हुनु अत्यावश्यक छ ।

परामर्शदाताको शुल्क र सजगता

धेरै परामर्शदाताहरूले भिसा प्रक्रिया सुरु गर्नु अघि नै १०,००० देखि २०,००० रुपैयाँसम्म र भिसा स्वीकृति पछि १ लाखदेखि २ लाख रुपैयाँसम्म शुल्क लिने गरेका छन् । 

कोरियामा पुगेपछि भोगिने प्रमुख चुनौतीहरू

१.भाषा र संचारको समस्या

कोरियन भाषा नबुझ्दा दैनिक जीवन र पढाइमा समस्या हुन्छ । राम्रो काम पाउन पनि भाषा आवश्यक हुन्छ ।

२.पार्ट–टाइम कामको कठिनाइ

विद्यार्थीहरूलाई खर्च धान्न पार्ट–टाइम काम चाहिन्छ। तर भाषा नबुझ्ने र अनुभव नहुनाले काम पाउन गाह्रो हुन्छ, पाएको काममा पनि तलब कम र घण्टा धेरै हुने गुनासो छ ।

३.मानसिक तनाव र एक्लोपन

परिवारबाट टाढा, नयाँ वातावरण र पढाइको चापले मानसिक तनाव, निराशा, र एक्लोपनको अनुभव हुने गर्छ ।

४.पढाइको दबाब

कोरियाली शिक्षा प्रणाली कडा हुन्छ। असाइनमेन्ट, परीक्षा र ग्रेडको दबाबले थकान र तनाव निम्त्याउँछ ।

५.भिसा नवीकरण र कागजी प्रक्रिया

भिसा, काम अनुमति, बैंक स्टेटमेन्ट, र आवाससँग जोडिएका कागजी प्रक्रिया जटिल हुन्छन्। सानो गल्तीले पनि समस्या निम्त्याउन सक्छ ।

६.उच्च खर्च

कोरियाको जीवनशैली महँगो छ – घर भाडा, खाना, यातायात, बीमा आदिमा धेरै खर्च लाग्छ। आम्दानीभन्दा खर्च बढी हुँदा ऋणमा पर्ने सम्भावना हुन्छ ।

७) शोषणको डर

केही नियोक्ताहरूले विदेशी विद्यार्थीलाई कम तलब, बिना तलब ओभरटाइम वा अन्य प्रकारले शोषण गर्ने सम्भावना हुन्छ। कानुनी जानकारीको अभावले धेरैलाई ठगिने जोखिम हुन्छ ।