तपाई अरुबेलाको भन्दा सर्तक भएर यात्रा गर्नुहोला किन कि ग्रिन कार्ड बाहकलाई समेत अध्यागमनमा कडा निगरानीमा राखिने अमेरिकी निर्णय अनुसार तपाईँलाई पनि अप्ठेरो पर्न सक्नुहुन्छ । 

हाल अमेरिकामा अध्यागमन नीतिहरू थप कडा हुँदै गएपछि नेपाली ग्रिन कार्डवाहकहरू पनि सतर्क रहनुपर्ने भएको छ । अमेरिकी सरकार र अध्यागमन एजेन्सीहरूले ग्रिन कार्डले अनिश्चित कालसम्म अमेरिका बस्ने अधिकार नदिने भन्दै त्यसका लागि थप निगरानी गरिरहेका छन् ।

हालै उपराष्ट्रपति जेडी भान्सले दिएको बयानपछि अमेरिकी सीमा सुरक्षा CBP अधिकारीहरूले अमेरिका फर्कने स्थायी बासिन्दाहरूलाई समेत कडाइका साथ जाँच गरिरहेका छन् ।

अमेरिका फर्कँदा साथमा हुनुपर्ने कागजातहरू: 
–वैध र अद्यावधिक ग्रिन कार्ड
–अमेरिकामा स्थायी बसोबास प्रमाणित गर्ने कागजातहरू बैङ्क स्टेटमेन्ट, घर÷अपार्टमेन्टको लिज, युटिलिटी बिलहरू 
–रोजगारी प्रमाणपत्र, तलब पर्ची Pay Stubs वा कर फाइलिङ W-2, Tax Return कागजातहरू स्वास्थ्य बिमा, अमेरिकी बैङ्क खाता, र अद्यावधिक ड्राइभर लाइसेन्स
नेपाल भ्रमण गरेका वा विदेश बसेका नेपाली ग्रिन कार्डवाहकले ध्यान दिनुपर्ने कुरा
–अमेरिकामा आफ्नो बसोबासको प्रमाण बलियो बनाउन बैङ्क खाता सक्रिय राख्ने, नियमित कर दाखिला गर्ने, र आवासको प्रमाण सुरक्षित राख्ने ।
–लामो समय नेपाल वा अन्य देशमा बस्नुपरेमा अमेरिका फर्किनु अघि कानुनी परामर्श लिनु ।
–ग्रिन कार्ड नवीकरण गर्ने समय नजिकिँदै गएमा समयमै प्रक्रिया थाल्नु ।
–अमेरिकी अध्यागमनबारे थप जानकारीका लागि आधिकारिक स्रोतहरू हेर्नुहोस् वा अध्यागमन वकिलसँग परामर्श लिनुहोस् ।