वसन्तकालीन हिमाल आरोहणका लागि विदेशीहरू नेपाल आउन क्रम सुरु भएको छ । पर्यटन विभागका अनुसार हिमाल चढ्नका लागि २३ देशका ५८ जना विदेशी नेपाल आइपुगेका छन् ।

विभिन्न हिमालहरू आरोहण गर्न चीन, पाकिस्तान, ब्राजिल, इरान, क्यानडा, चिली, किर्गिस्तान, पेरु, रसिया, सिंगापुर, युक्रेन लगायतका देशबाट विदेशी आइपुगेका हुन् । यसरी आउनेमा ४० पुरुष र १८ महिला छन् ।

सबैभन्दा धेरै अर्थात् २० जना चीनबाट आएको विभागले जनाएको छ । विभागले गत मार्च १ देखि वसन्तकालीन हिमाल आरोहणको अनुमति खुला गरेको छ ।

जसमध्ये हालसम्म अन्नपूर्णबाहेक विभिन्न हिमाल आरोहणका लागि ८ वटा आरोहण दललाई अनुमति जारी गरिएको छ । सबैभन्दा धेरै अन्नपूर्ण प्रथम हिमाल आरोहणका लागि अनुमति दिइएको छ ।

यो हिमालका लागि ४२ जनाले अनुमति लिएका छन् । अन्यको खुलेको भए पनि सगरमाथा आरोहणको अनुमति भने खुलिसकेको छैन ।